Жол қауіпсіздігін қолдаймыз
№26 орта мектеп жанындағы Е.Қойшыбаев атындағы интернатта «Жол қауіпсіздігін қолдаймыз» атты шара болып өтті. Кешке мектеп директорының тәрбие ісі жөніндегі орынбасары Т.Әбдіқадыров, мектеп инспекторы С.Шүкіров, облыстық жастар денсаулығы орталығының Қармақшы құрылымдық дәрігері Ұрхия Тұрмағанбетова, облыстық жастар жастар денсаулығы орталығының Қармақшы құрылымдық медбикесі Мерует Нұрғалиева, интернаттың аға тәрбиешісі С.Тәнкеева қатысты.
Шараны мектеп директорының тәрбие ісі жөніндегі орынбасары Т.Әбдіқадыров ашып, тақырыптың өзектілігіне тоқталып өтті. Интернат тәрбиешісі Н.Әдіқасованың ұйымдастыруымен өткізілген шара бірнеше бөлімдерге бөлінді. Алғашқы бөлімде қатысушыларға «Жол трамватизімінің алдын алу» жайлы сұрақтар мен тапсырмалар берілді. Бұл тұрғыда оқушылардың таным қабілетін арттыратын «Велосипедпен неше жаста жүруге болады?», «Көшеде бағдаршам болмаса не істеуге болады?», «Қандай көліктерге бағдаршамның қызыл жүруге рұқсат етілген?» деген сияқты қызықты сұрақтар қойылды. Сондай-ақ оқушылар жол ережесін сақтауға бірнеше көрініс қойып, көремендердің ыстық ықыласына бөленді.
Н.Әбдіқасова,
№26 орта мектебі жанындағы
интернат тәрбиешісі.
интернат тәрбиешісі.
