«Таза қол» акциялары

Облыс көлемінде «2017-2019 жж қоғамдық денсаулық сақтау қызметін құру мен өзара сектораралық қарым – қатынасты дамыту» жөнінде жол картасын орындау мақсатында 2018 жылдың қаңтар айында облыс көлемінде «Таза қол» акциялары өткізілді.

Акцияның мақсаты ұйымдасқан ұжымдардағы балдары арасында жеке бас гигиенасы дағдыларын енгізу, жедел ішек ауруларын алдын алу.

Іс-шаралар 7 мектеп, 1 санаториялық жобадағы мектеп-интернат, 28 балабақша, 1 бөбекжайда «Қолды дұрыс жуамыз», «Тазалық-таза баланың досы», «Салауатты өмір-денсаулық кепілі», «Таза болса деніміз, сұлу болып өсеміз», «Таза қол», «Лас қолдар көзі- ауру», « Қолды жуу әдістері», « Таза қол денсаулық кепілі», «Дені саудың- жаны сау», «Таза қол –таза ағза» тақырыбында 36 әңгімелесу, 33 дәріс, 2 кеңес, 1 түсіндірме жұмысы 1104 адамның (ата-ана, оқушы, балабақша тәрбиеленушілері) қатысуымен өткізілді, 2 диктант жазылды, 10 плакат, 50 буклет, 316 үн парақ таратылып, 10 сауалнама жүргізілді.

Акция барысында балаларға қол жуу дағдыларын, жуыну кезіндегі ретті сақтау және күнделікті қол жуу қағидасы үйретіліп жеке бас гигиенасын сақтаудың қажеттілігі кеңінен түсіндірілді. Сонымен қатар, өздігінен жуына алмайтын балаларға қол жууды, орамалмен сүртінуді, үлкендердің көмегінсіз әрекет жасау үйретілді.