СЫР ӨНІМДЕРІНЕ ЕЛОРДАЛЫҚТАРДЫҢ СҰРАНЫСЫ ЖОҒАРЫ
Жәрмеңкеде Сыр өңірінен жеткізілген табиғи әрі сапалы өнімдерге елордалықтардың сұранысы жоғары. Әсіресе сүт өнімдері, қауын-қарбыз, асқабақ, балық пен күріштің басым бөлігі сатылып кетті.
Сыр өңірі – жайқалған күріш алқаптарымен, өрістеген төрт түлігімен және Сырдарияның сары сазаны мен қаязы секілді балығымен танымал өлке. Берекелі жерден жиналған бақша өнімдері де жәрмеңкеде өз тұтынушысын тауып, елордалықтардың дастарханына жол тартуда.
Бұдан бөлек, ұлттық тағамдар мен сусындар – қымыз бен шұбатқа да қызығушылық жоғары. Табиғи өнімдер мен дәстүрлі дәмді дәріптеген Сырдың бренді бүгінде өңірдің ауыл шаруашылығы әлеуетін танытатын маңызды бағыттардың біріне айналып келеді.
