ҚАРМАҚШЫНЫҢ АҚ МАРЖАНЫ АСТАНАДА
Қармақшы ауданының шаруалары Астана қаласында өтіп жатқан ауыл шаруашылығы жәрмеңкесіне 40 тоннадан астам өнім жеткізді.
Атап айтқанда, елордалықтарға 20 тонна ақ күріш, 10 тонна қауын, 10 тонна қарбыз және 2,5 тонна сүт өнімдері ұсынылды.
Әсіресе, Қармақшының «Жаңажол» шаруашылығы өндірген Сырдың ақ маржаны – күрішке елордалықтардың сұранысы жоғары. Сауда сөресіне қойылған күрішті алуға жиналған жұртшылықтан ұзын-сонар кезек пайда болды.
Сапасы мен дәмі үйлескен Сыр күріші елорда тұрғындарының көңілінен шығып, жәрмеңкеде қызу саудаға түсті.
