Алғашқы рет дауыс берді
Бүгін Қармақшы ауданы Жосалы кентіндегі №95 сайлау учаскесінде Құрылтай сайлауына кент тұрғыны Әлібекұлы Ерасыл алғаш рет дауыс берді.
Бұл — жас сайлаушы үшін ерекше әрі жауапты сәт. Әлібекұлы Ерасыл өз таңдауын жасап, елдің қоғамдық-саяси өміріндегі маңызды науқанға алғаш рет қатысты.
«Мен үшін бүгін - ерекше күн. Құрылтай сайлауына алғаш рет қатысып, өз дауысымды беру — үлкен жауапкершілік әрі мақтаныш. Әр азамат өз таңдауын жасап, ел болашағына бейжай қарамауы керек деп ойлаймын», — деді ол.
Алғаш рет дауыс беру — жас азаматтың азаматтық белсенділігін танытып, ел болашағына деген жауапкершілігін көрсететін маңызды қадам.
