Алғашқы дауыс беруші ақ батасын берді
74 жастағы Боранбаев Асылбек №97 сайлау учаскесінде сайлауда алғаш болып дауыс берді. Ол өз азаматтық таңдауын жасап, сайлау учаскесіндегі маңызды сәттің басталуына ақ батасын берді.
Асылбек Боранбаевтың айтуынша, дауыс беру — әр азаматтың ел болашағына деген жауапкершілігін білдіретін маңызды қадам. Қария сайлау науқанының сәтті өтуіне тілектестігін білдіріп, батасын берді.
№97 сайлау учаскесінде алғашқы дауыс берушіні жылы қарсы алып, оған құрмет көрсетті. Бұл күн сайлау учаскесінде ерекше көңіл-күймен басталды.
