Кенттегі №105 мектепте орналасқан №98 сайлау учаскесіне алғашқылардың бірі болып келген 18 жастағы Меруерт Шахмаранова өз таңдауын жасап, алғаш рет дауыс берді.

– Жасым 18-де. Әне-міне дегенше сайлауға келіп, алғаш рет дауыс беріп отырмын. Бұл – әрі қызық, әрі өмірімдегі бірінші таңдауым. Сол үшін мұндай маңызды шараға ерте келдім. Сайлауға келіп, жарқын болашақ үшін дауыс беру – әрбір азаматтың міндеті, – деді ол.

Ал өз кезегінде сайлау учаскесінің мүшелері сайлауда алғаш рет таңдау жасаған Меруертке сый-сияпат жасады.

Еске сала кетейік, сайлау учаскелері жергілікті уақыт бойынша таңғы 7.00-ден 20.00-ге дейін ашық болады.