Сайлау ата сайлауға келіп, таңдауын жасады
Бүгін таңдау жасайтын уақыт. Әдеттегіше сайлау учаскелері жергілікті уақытпен сағат 07.00-де әнұранмен ашылған болатын. Кенттегі №105 мектепте орналасқан №98 сайлау учаскесіне алғашқылардың бірі болып кент тұрғыны Сайлау Тыныштыбаев келді. Дауыс беріп, өз таңдауын жасады.
– Болашағымыз жарқын болсын десек, дұрыс таңдау жасауымыз керек. Бұл күн – маңызды күн. Алдағы уақытта барлығы әділ өтеді деген сенімдемін. Үміттіміз. Сол үмітіміз ақталсын, – деді ақсақал.
Еске сала кетейік, Қазақстанда 10 қаңтарда сайлау өтіп жатыр. Сайлау учаскелері жергілікті уақыт бойынша таңғы 7.00-ден 20.00-ге дейін ашық болады.
