Аудан әкімі өз таңдауын жасады
Қармақшы ауданының әкімі Мұса Қалдарбеков таңертеңгілік Жосалы кенті орталығындағы №30 орта мектебінде орналасқан №100 сайлау учаскесіне арнайы барып дауыс беріп, өз таңдауын жасады.
Қармақшы ауданы мен Байқоңыр қаласындағы сайлау учаскелерінде халықтың өз дауыстарын беріп, таңдау жасап сайлауға қатысуына барлық жағдай жасалған.
Жалпы Қармақшы ауданы мен Байқоңыр қаласы бойынша 35 сайлау учаскелері жұмыс жасап тұр.
Еске сала кетейік, Қазақстанда 10 қаңтарда мәжіліс сайлауы өтіп жатыр. Сайлау учаскелері жергілікті уақыт бойынша таңғы 7.00-ден 20.00-ге дейін ашық болады.
