Алғашқы рет дауыс берді
18 жасқа толған ақайлық тұрғын Ержан Кеңесбаев алғаш рет сайлау учаскесінде өз таңдауын жасап, үміткерлерге дауыс берді. Ол Алматы қаласындағы Чайковский атындағы музыкалық колледждің 4 курс студенті. Жас сайлаушы дауыс беру кезіндегі алғашқы сезімін де жасырмады.– Бүгін ауылымның болашағы үшін таңдау жасадым. Бұрын теледидардан көріп, "біз қашан сайлауға қатысып, дауыс береді екенбіз" дейтінмін. Қазір сол күнге жетіп отырмын. Бұл мемлекеттік маңызы бар іс болғаннан кейін аздап қобалжу болды, – дейді ол.
Дауыс беруден соң жас сайлаушыға сыйлық табысталды.
