АҚШ-та сайлау науқаны жалғасуда
Қазақстан аумағында дауыс беру аяқталғанмен, АҚШ-та әлі де жүріп жатыр.
Заңға сәйкес сайлау алдында протокол толтырылып, барлық бюллетендер саналып, сайлау жәшіктері тексерілген. Вашингтонда нөмірі 249, ал Нью-Йоркте 250-сайлау учаскесі жұмыс істеп тұр. АҚШ-тың өзге штаттарындағы азаматтарымыз Нью-Йоркте Қазақстанның бас консулдығындағы сайлау учаскесінде дауыс беруде. Сондықтан кей азаматтарымыз өз таңдауын жасау үшін өзге штаттардан келген. Ал Вашингтондағы дауыс берушілердің көбі – дипломаттардың отбасылары және студенттер.
Эдуард Ким, сайлаушы:–
Мен мұнда Геннадий Головкиннің жекпе-жегін көру үшін келгенмін. Ол жеңіске жетіп, бәріміздің көңіл-күйімізді көтерді. Өзімнің шақыртуымды алып, алғашқылардың бірі болып еліміздің болашағы үшін дауыс бердім.
Жанат Қожабаев, сайлаушы:–
Мен Нью-Йорктегі Біріккен Ұлттар ұйымында 18 жылдан бері жұмыс істеп келемін. Бірақ Қазақстан азаматымын. Сондықтан бүгін отанымның келешегі үшін дауыс беріп отырмын.
