Аудан прокуроры референдумда өз таңдауын жасады

Бүгінгі референдумда аудан тұрғындары белсенділік танытып, сайлау учаскелеріне келіп өз таңдауларын жасауда. Солардың қатарында аудан прокуроры Нұрбек Келсімұлы да бар.

Аудан прокуроры №94 сайлау учаскесіне келіп, референдумға қатысып, өз таңдауын жасады. Ол мұндай маңызды саяси науқанға қатысу әрбір азаматтың конституциялық құқығы әрі азаматтық жауапкершілігі екенін атап өтті. Нұрбек Келсімұлының айтуынша, референдум – халықтың пікірін білдіретін маңызды демократиялық құрал. Сондықтан ел болашағына бейжай қарамайтын әрбір азамат дауыс беруге келіп, өз таңдауын жасауы қажет.

– Бүгін біз еліміздің болашағына қатысты маңызды шешім қабылдайтын күн. Осындай тарихи сәтте әр азамат белсенділік танытып, өз дауысын беруі тиіс деп есептеймін. Бұл – мемлекетіміздің дамуына өз үлесімізді қосудың бір жолы, – деді ол.

Осылайша, аудан прокуроры да референдумға қатысып, өз азаматтық позициясын білдірді. Қазіргі уақытта №94 сайлау учаскесінде дауыс беру үрдісі қалыпты жағдайда өтіп, тұрғындар белсенді түрде қатысуда.