Ерлі-зайыпты тұрғындар референдумда өз таңдауларын жасады

Республикалық референдумда кент тұрғындары белсенділік танытып, сайлау учаскелеріне келіп өз таңдауларын жасауда. Солардың қатарында ерлі-зайыпты Мустахим Ахметов пен Баян Бегалиева да бар.

Олар сайлау учаскесіне бірге келіп, ел болашағы үшін дауыс берді. Ерлі-зайыптылардың айтуынша, мұндай маңызды саяси науқанға қатысу – әрбір азаматтың жауапкершілігі. – Біз референдумға отбасы болып келіп, өз таңдауымызды жасадық. Бұл – еліміздің болашағына қатысты маңызды шешім. Сондықтан әр азамат белсенді болып, өз пікірін білдіруі керек деп ойлаймыз, – деді Мустахим Ахметов.

Баян Бегалиева да референдумға қатысу арқылы елдің дамуына өз үлестерін қосып отырғандарын атап өтті. Олардың пікірінше, халықтың бірлігі мен белсенділігі мемлекет болашағы үшін аса маңызды.

Осылайша, кент тұрғындары референдумға қатысып, ел болашағы үшін өз азаматтық ұстанымдарын білдіруде.