«Дұрыс таңдау – ел болашағы»

Қармақшы аудандық Жастар ресурстық орталығының ұйымдастыруымен 23 тамыз – Құрылтай депутаттарының сайлауы қарсаңында жастардың азаматтық белсенділігін арттыру, сайлаудың маңыздылығын түсіндіру, жастардың елжандылық, жауапкершілік және саналы таңдау мәдениетін қалыптастыру мақсатында «Дұрыс таңдау – ел болашағы» атты кездесу өтті.

Кездесуге Қазақстан Республикасының спорт шеберлері, әлем және Азия чемпиондары Сәулебеков Ерасыл мен Қойшыбеков Мұхаммедали қатысты.

Кездесу барысында ел дамуы, жастардың қоғамдағы рөлі, жастар тәрбиесі, отансүйгіштік пен азаматтық жауапкершілік, сондай-ақ сайлаудағы саналы таңдау жасау мәселелері бойынша ой-пікірлер ортаға салынды.

Жастар – ел болашағы. Ал ел болашағы әр азаматтың саналы таңдауынан басталады!

Дұрыс таңдау – жарқын болашаққа бастар жол!