МЕКТЕПКЕ ДЕЙІНГІ ҰЙЫМДАРДАҒЫ ЖАҒДАЙ – ПАРТИЯЛЫҚ БАҚЫЛАУДА
Бүгін «AMANAT» партиясы Байқоңыр филиалының партиялық бақылау комиссиясы мектепке дейінгі білім беру ұйымдарының тұрмыстық және санитарлық жағдайына мониторинг жұмыстарын жүргізді.
Мониторинг барысында ғимараттардың санитарлық жағдайы, тазалық және дезинфекция жұмыстарының жүргізілуі, балалардың қауіпсіздігі мен тұрмыстық жағдайлары, медициналық қызмет көрсету деңгейі басты назарға алынды.
Анықталған мәселелер бойынша тиісті ұсынымдар беріліп, олардың орындалуы партиялық бақылауға алынды.
Жалпы, мұндай жүйелі бақылау жұмыстары балалардың қауіпсіздігін арттыруға, олардың сапалы тәрбие мен білім алуына қолайлы жағдай жасауға бағытталған.
Алдағы уақытта мониторинг қорытындысы партиялық бақылау комиссиясының отырысында қаралатын болады.
