ПАРТИЯЛЫҚ БАҚЫЛАУ КОМИССИЯСЫНЫҢ ОТЫРЫСЫ ӨТКІЗІЛДІ
Бүгін "AMANAT" партиясы Байқоңыр филиалының Партиялық бақылау комиссиясының отырысы өткізілді.
Шара барысында мектепке дейінгі білім беру ұйымдардың тұрмыстық және санитарлық жағдайы қаралды.
Отырысқа "AMANAT" партиясы Байқоңыр филиалының төрағасы Еркін Рзалиев пен партия филиалының Атқарушы хатшысы Мақсат Есбенбетов қатысты.
Жиынды партия филиалының Партиялық бақылау комиссиясының төрағасы Сейл Жұмадьяров ашып, жүргізді.
Күн тәртібіндегі мәселеге байланысты аудандық білім бөлімінің білім беруді дамыту секторының меңгеруісі Жадыра Алданованың хабарламасы тыңдалып, Партиялық бақылау комиссиясы тарапынан мектепке дейінгі білім беру ұйымдарына жүргізілген мониторинг жұмыстарының қорытындысы талқыланды.
Сонымен бірге, комиссия мүшелері мен қатысушылардың ұсыныс-пікірлері тыңдалып, сұрақтарына жауап берілді.
