МЕКТЕПКЕ ДЕЙІНГІ БІЛІМ БЕРУ ҰЙЫМДАРЫНА ПАРТИЯЛЫҚ МОНИТОРИНГ ЖҮРГІЗІЛДІ
Бүгін “AMANAT” партиясы Байқоңыр филиалының төрағасы, аудандық мәслихаттағы "AMANAT" партиясы депутаттық фракциясының мүшесі Еркін Рзалиев, партия филиалының Атқарушы хатшысы Мақсат Есбенбетов, партия филиалының партиялық бақылау комиссиясының төрағасы Сейл Жұмадьяров, комиссия мүшесі, Жастар ресурстық орталығының Байқоңыр қалалық бөлімінің басшысы Азамат Ердаулетов Байқоңыр қаласындағы №24 және №25 балабақшаларға партиялық мониторинг жүргізді.
Зерделеу жұмыстары барысында мектепке дейінгі білім беру ұйымдарының тұрмыстық және санитарлық жағдайына басты назар аударылды.
Мониторинг жұмысы аясында түсіндірме жұмыстары жүргізіліп, берілетін астың бекітілген стандарт бойынша жасақталуы партияның бақылауында болатыны ескертілді.
Алдағы уақытта зерделеу жұмыстары жалғасады. Мониторинг қорытындысына сәйкес балабақша меңгерушілерінің қатысуымен Партиялық бақылау комиссия отырысының өткізілуі жоспарлануда.
