ЖАҢАРУ КҮНІ - ИГІ ІСТЕРДІҢ БАСТАУЫ
Көктемнің шуағымен бірге келген әз Наурыз – табиғатпен қатар, адамзаттың да жаңаратын кезеңі. Наурыз мейрамына орай ұйымдастырылған Наурызнама онкүндігі аясындағы 19 наурыз – «Жаңару күні» осы ізгі дәстүрлердің жарқын көрінісіне айналды.
Осыған орай бүгін аудан аумағында кең көлемді сенбілік жұмыстары ұйымдастырылды. Тазалық шарасы ауданның барлық елді мекендерін қамтып, оған мекеме қызметкерлері, жастар, еріктілер мен тұрғындар белсенді түрде қатысты.
Сенбілік барысында көшелер мен қоғамдық орындар тазартылып, ағаштар әктеліп, абаттандыру жұмыстары жүргізілді.
Жаңару күні аясында аудан тұрғындары туған жердің тазалығы мен көркеюіне белсенділік танытты. Сенбілік жұмыстары алдағы уақытта да жалғасын тауып, тұрғындардың өмір сапасын арттыруға оң ықпал ететін болады.
Қармақшы ауданы әкімінің баспасөз қызметі
