СЕНБІЛІК – ӨЗ ОРТАҢА ЖАНАШЫРЛЫҚ
«Таза Қазақстан» экологиялық акциясы аясында аудан аумағын тазарту және абаттандыру мақсатында кең көлемді сенбілік ұйымдастырылды. Сенбілікке мекеме басшылары мен қызметкерлері, ардагерлер, жастар және еріктілер тартылды.
Тазалық жұмыстары барысында көшелер, саябақтар мен қоғамдық орындар тұрмыстық қалдықтардан тазартылып, арам шөптерді жұлу, абаттандыру жұмыстары жүргізілді. Жиналған қоқыстар арнайы техникалармен аудан сыртына шығарылды.
Негізінде қоршаған ортаны, өмір сүрген айналаны таза ұстау – әр адамның азаматтық борышы. Табиғатты аялау арқылы өзімізге, отбасымызға, елімізге пайда әкелеміз. Бір күндік еңбек – келешек ұрпаққа жарқын үлгі. Сондықтан әр азамат сенбілікке белсене қатысып, туған жерінің тазалығы мен көркіне өз үлесін қосуы тиіс.
Қоршаған ортаны қорғауға бағытталған сенбілік алдағы уақытта тұрақты түрде ұйымдастырылып, аудан аумағын абаттандыру жұмыстары жалғасын табады.
Ерсін СӘДУҰЛЫ
