ТАЗАЛЫҚҚА ТАЛАП БОСАҢСЫМАЙДЫ
Бүгін Қармақшы ауданында «Таза Қазақстан» экологиялық акциясы аясында аудан аумағын тазарту және абаттандыру мақсатында кең көлемді сенбілік ұйымдастырылды.
Сенбілікке мекеме басшылары мен қызметкерлері, ардагерлер, жастар және еріктілер де тартылды. Тазалық жұмыстары барысында көшелер, саябақтар мен қоғамдық орындар тұрмыстық қалдықтардан тазартылып, арам шөптерді жұлу, абаттандыру жұмыстары жүргізілді. Жиналған қоқыстар арнайы техникалармен аудан сыртына шығарылды.
Қоршаған ортаны қорғауға бағытталған сенбілік алдағы уақытта тұрақты түрде ұйымдастырылып, аудан аумағын абаттандыру жұмыстары жалғасын табады.
