“ТАЗА ҚАЗАҚСТАН": ЭКОЛОГИЯЛЫҚ АКЦИЯСЫ АЯСЫНДА ҚАРҚЫНДЫ ТАЗАЛЫҚ ЖҰМЫСТАРЫ ЖҮРГІЗІЛДІ

Бүгін ауданда «Таза Қазақстан» республикалық экологиялық акциясы аясында қоршаған ортаны қорғау, көркейту, көгалдандыру бағытында жалпыаудандық сенбілік ұйымдастырылып, ауқымды жұмыстар жүргізілді.

Тазалық шарасына аудан, кент әкімдігі, мекеме басшылары мен қызметкерлері, ардагерлер, жастар және еріктілер де өз үлестерін қосты.

Санитарлық-тазалық жұмыстары барысында әлеуметтік нысандардың, атап айтқанда, қоғамдық орындардағы бордюр жиектерін құмнан тазалау, әктеу және ретсіз өскен арам шөптерді жұлу жұмыстары жүргізілді. Шабылған шөптер мен жиналған қоқыс қалдықтары арнайы техниканың көмегімен белгіленген орындарға шығарылды.