Сенбілік жұмыстары жүргізілді
Республикалық «Birge: Taza Qazaqstan» экологиялық акциясы және санитарлық тазалық, көркейту – көгалдандыру айлығы аясында ауданның барлық аумақтарында сенбілік жұмыстары ұйымдастырылды.
Сенбілікке мекеме, кәсіпорын қызметкерлері мен еріктілер қатысып, әр ұжым өздеріне жүктелген аумақты күл-қоқыстан тазалады.
Сондай-ақ, әлеуметтік нысандардың аумағы тазаланып, әктеу-сырлау, жасыл желек отырғызу жұмыстары жүргізілді.
