Ауданда сенбілік жұмыстары жоғары деңгейде ұйымдастырылды

Бүгін аудан көлемінде санитарлық тазалық, көркейту – көгалдандырудың 2 айлығына байланысты Жосалы кенті мен барлық ауылдық округтерде сенбілік жұмыстары ұйымдастырылды.
Сенбілік жұмыстары барысында көшелердегі күл-қоқыстар тазартылып, шөп шабу жұмыстары жүргізілді.
Сенбілікте арнайы көліктер қоқыстарды аудан сыртына шығарды. Кәсіпорын ұжымдары кент әкімшілігімен бірлесе отырып белгіленген аймақтар бойынша шөптерін шауып, өздерінің үлестерін қосып белсенділіктерін танытты.
Туған жерге деген сүйіспеншілігі мол аудан тұрғындары өз қолдарымен қағаз-қалдықтарды тазалап, қызу түрде жұмыстар атқарды. Қай кезде де болмасын ең бірінші өз ортаңа тазалықпен қарау-адамдықтың басты қасиеті екендігі белгілі.
Жалпы аудан сенбілік үстінде. Қызу түрдегі қыруар еңбектер көшелердің шырайына шырай қоса түскендей.
Соның ішінде, аудан әкімі аппараты, кент әкімі аппараты, ауылдық округтерде сенбілік қызу түрде ұйымдастырылды.
Алдағы уақытта да санитарлық тазалық жұмыстары жалғасын табатын болады.