ҚОРШАҒАН ОРТАНЫ ҚОРҒАУ- ТҰРАҚТЫ КҮН ТӘРТІБІНДЕ

Бүгін «Таза Қазақстан» экологиялық акциясы аясында аудан аумағында кең көлемді сенбілік өтті. Сенбілікке кент және ауылдық округ, бөлім қызметкерлері мен жергілікті тұрғындар және жастар белсене қатысты.

Аудан аумағындағы санитарлық тазалықты сақтау, тұрғындар арасында экологиялық мәдениетті қалыптастыруды мақсат еткен сенбілік жұмыстарына аудан халқы таңғы сағат 09:00-ден бастап белсене қатысып, тазалық жұмыстарына бірлесе жұмылды. 

Санитариялық- тазалық жұмыстары аясында аудан орталығы мен елді мекендерде күл-қоқыстар жиналып, жол жиектері, қоғамдық орындар, орталық көшелер тазартылды. Сонымен қатар, әктеу-сырлау жұмыстары жүргізіліп, көркейту-көгалдандыру шаралары қолға алынды.

Қоршаған ортаны қорғауға бағытталған сенбілік алдағы уақытта тұрақты түрде ұйымдастырылып, аудан аумағын абаттандыру жұмыстары жалғасын табады.