Қармақшылық жобасы аясында игі шара өтті
17 наурыз – Шаңырақ күніне орай №26 орта мектепте тағылымы мол кездесу ұйымдастырылды. Кездесуге Қармақшы ауданының бас имамы арнайы қатысып, оқушылармен және жастармен еркін форматта пікір алмасты.
Кездесу барысында:
Отбасы құндылықтары;
Ата-анаға құрмет көрсету;
Лудоманияның алдын алу;
Вандализмге жол бермеу тақырыптары кеңінен түсіндіріліп, маңызды ойлар айтылды.
Жастарға дұрыс бағыт-бағдар беру, ұлттық құндылықтарды дәріптеу және саналы ұрпақ қалыптастыру – басты мақсат екені ерекше атап өтілді.
Осындай мазмұнды кездесулер жас буынның тәрбиесіне оң әсерін тигізіп, қоғамға пайдалы азамат болып қалыптасуына ықпал етеді.
