Жастармен өткен тәлімді жиын
Қармақшы аграрлы-техникалық колледжінде студенттермен ауданның бас имамы Нұрболат Рахметуллаевпен кездесу өтті.
Жиында жастарға имандылық пен тәрбиенің маңызы, ізгілік пен адамгершілік құндылықтары жайлы тағылымды ойлар айтылды.
Сонымен қатар лудомания, алаяқтық, құқықбұзушылық және сыбайлас жемқорлықтың зиянды салдары туралы кеңінен түсіндіріліп, ондай теріс әрекеттерден бойын аулақ ұстаудың қажеттігі айтылды.
Әсіресе, ата-анаға құрмет көрсету, олардың еңбегін бағалау – әрбір жас үшін басты парыз екені ерекше атап өтілді.
Кездесудің негізгі мақсаты – жас ұрпақтың рухани дүниесін байытып, ата-анаға, қоғамға және Отанға деген дұрыс көзқарасын қалыптастыру.
