ТҮСІНДІРМЕ ЖҰМЫСТАРЫ ЖҮРГІЗІЛДІ

Қармақшы ауданында алкоголь өнімдерін сатумен айналысатын кәсіпкерлік нысандарына түсіндірме жұмыстары жүргізілді.

Аралау барысында ҚР Әкімшілік құқық бұзушылық кодексінің 200-бабы аясында алкоголь өнімін өткізуге қатысты заң талаптары түсіндіріліп жадынамалар таратылды.

Алкоголь өнімдерін сату уақыты:

- Жалпы алкоголь өнімдері: сағат 08:00 – 23:00 аралығында;

- Этил спиртінің үлесі 30%-дан асатын өнімдер: сағат 12:00 – 21:00 аралығында сатылуы тиіс.

21 жасқа толмаған тұлғаларға алкоголь сату, белгіленген уақыттан тыс сауда жасау – *лицензияның тоқтатылуына және айыппұл салуға* әкеліп соғуы мүмкін.

Бұл шара кәсіпкерлік субъектілерінің заң талаптарын сақтауын қамтамасыз ету және құқықбұзушылықтардың алдын алу мақсатында ұйымдастырылды.