Алкоголь өнімін өткізу талаптарын бұзғаны үшін жауапкершілікке тартылды

Қармақшы аудандық сотында азаматша Ф.-ға қатысты әкімшілік іс қаралды.

Азаматша Ф. Қармақшы ауданы, Қармақшы ауылы, Сейфуллин көшесі бойында орналасқан «Азамат» дүкенінде сатушы болып тұрып этил спиртінің көлемді үлесі отыз пайыздан асатын 1 (бір) дана «Родная степь» алкогольді өнімін (арағы) сағат 21-ден келесі күнгі сағат 12-ге дейін, яғни сағат 07:00-де Ж-ға  1 000 (бір мың) теңгеге бөлшек сауда арқылы өткiзіп, ҚР ӘҚБтК-нің 200-бабының 3-бөлігінде көзделген құқық бұзушылықты жасағаны үшін полиция қызметкерлерімен оған қатысты әкімшілік құқық бұзушылық туралы хаттама толтырылып, сотқа негізінен қарап, шешім қабылдау үшін жолданған.

Құқық бұзушының әрекеті өз кінәсін мойындауымен қатар, әкімшілік құқық бұзушылық туралы хаттамасымен және басқа да іс бойынша жинақталған құжаттарымен дәлелденіп бекітілді.

Құқық бұзушы Ф. ҚР ӘҚБтК-нің 200-бабының 3-бөлігімен кінәлі деп танылып, оған 10 /он/ АЕК көлеміндегі әкімшілік айыппұл 30 пайызға қысқартылып, 21441 теңге салынды.

Қайнар:

Қармақшы аудандық сотының баспасөз қызметі