Қармақшы аудандық сотында Қазақстан Республикасы ӘҚБтК-нің 442-бабының 3-бөлігімен азаматша Э-ге қатысты әкімшілік құқық бұзушылық туралы іс қаралды.

Сотта анықталғандай, Қармақшы аудандық полиция бөлімімен 12 ақпан 2021 жылы, сағат 01:45 минут шамасында Жосалы кентінде, жасы кәмелетке толмаған 25 қазан 2003 жылы туылған А.-ның Жосалы кенті, Алтынсарин көшесі бойында заңды өкілінің, яғни ата-анасының ертіп жүруінсіз тұрғын үй-жайдан тыс жерде әкімшілік жаза қолданылғаннан кейін бір жыл ішінде қайталап жүргені анықталып, оның анасы Э.-ге ӘҚБтК-нің 442-бабының 3-бөлігімен әкімшілік құқық бұзушылық туралы хаттама толтырылған.

Сот отырысында азаматша Э. кәмелетке толмаған туған ұлы А.-ның жасаған әрекеті рас екенін, мойындайтынын, алдағы уақытта қайталанбайтынын, алдағы уақытта тәрбиелеу міндетін қадағалап отыратынын көрсетіп, жеңіл жаза қолдануды сұрады.

Сот қаулысымен азаматша Э. ӘҚБтК-нің 442-бабының 3-бөлігімен кінәлі деп танылып, оған 14 294 (он төрт мың екі жүз тоқсан төрт) теңге айыппұл салынды.

Қаулы заңды күшіне енбеген