Әкімшілік іс медиация тәртібімен тоқтатылды

Қармақшы аудандық сотында азамат Ж.-ға қатысты ҚР ӘҚБтК-ң 73-1-бабының 1-бөлігімен әкімшілік іс қаралды.

Құқық бұзушы Ж. өзінің үйінде азаматша C.-ның денсаулығының қысқа мерзімге бұзылуына және қасақана жеңіл зиян келтіргеніне байланысты, оған қатысты әкімшілік құқық бұзушылық туралы хаттама толтырылып, сотқа негізінен қарап, шешім қабылдау үшін жолданған.

Алайда, іс қарау барысында жәбірленуші C. мен құқық бұзушы Ж.-ның татуласуына байланысты істі тоқтатуды сұрап, қолдарын қойған жазбаша дауды реттеу туралы келісімі ұсынылған.

Сот, әкімшілік іс-құжаттарын зерттеп, іске қатысушылардың уәждерін тыңдап, тараптар татуласып, бітімгершілікке келуіне байланысты, Ж.-ны әкімшілік жауаптылықтан босатып, оған қатысты ҚР ӘҚБтК-ң 73-1-бабының 1-бөлігімен басталған істі жәбірленушімен бітімгершілікке келуіне байланысты тоқтатты.

Қармақшы аудандық сотының баспасөз қызметі