Қармақшы аудандық сотында Қазақстан Республикасы ӘҚБтК-нің 200-бабының 1-бөлігі бойынша азаматша Г.-ге қатысты әкімшілік құқық бұзушылық туралы іс қаралды.

Сотта анықталғандай, азамат Г. өзінің дүкенінде кәмелет жасына толмағанға алкоголь өнімін сатып,  Қазақстан Республикасы заңнамасының алкоголь өнімін өткізу жөніндегі талаптарын бұзып, жиырма бір жасқа дейінгі адамдарға алкоголь өнімін бөлшек сауда арқылы өткiзу жөніндегі талаптарын сақтамаған.

Сот отырысында азаматша Г. кінәсін толық мойындап, шын жүректен өкініп, алдағы уақытта қайталанбайтынын жеткізіп, жеңіл жаза қолдануды сұрады.

Қармақшы аудандық сотының қаулысымен құқық бұзушы Г. Қазақстан Республикасының Әкімшілік құқық бұзушылық туралы кодексінің 200-бабының 1-бөлігімен кінәлі деп танылып, оған 20 419 (жиырма мың төрт жүз он тоғыз) теңге айыппұл салынды.

Қаулы заңды күшіне енген жоқ.