Қармақшы аудандық сотында Қазақстан Республикасы ӘҚБтК-нің 463-бабының 1-бөлігі бойынша азаматша Қ.-ға қатысты әкімшілік іс қаралды.

Сотта анықталғандай, Қармақшы ауданы бойынша Мемлекеттік кірістер басқармасының 2021 жылғы 5 тамыздағы №32 жекелеген сұрақтар бойынша тақырыптық тексеру нұсқамасы негізінде жеке тұлға Қ. өзінің тұрғын үйінен құжатсыз бензин өнімін сатып алу, сатумен, яғни жеке кәсіпкер ретінде тіркелмей, тиісті тіркеусіз қызметпен айналысқан. 

Сот отырысында азаматша Қ. кінәсін толық мойындап, шын жүректен өкініп, өзіне жеңіл жаза тағайындауды сұрады.

Қармақшы аудандық сотының қаулысымен құқық бұзушы Қ. Қазақстан Республикасы ӘҚБтК-нің 463-бабының 1-бөлігімен құқық бұзушылықты жасағаны үшін кінәлі деп танылып, оған 30 629 (отыз мың алты жүз жиырма тоғыз) теңге айыппұл салынсын.

Қаулы заңды күшіне енбеген.