Ішімдіктен бас тартқан ауыл
Өңірдегі қылмыстық құқық бұзушылықтардың алдын алу, тұрғындардың қауіпсіз жағдайда қалыпты өмір сүруін қамтамасыз ету және олардың мемлекеттік органдарға деген сенімін арттыру бағытында облыстық прокуратурамен бірнеше маңызды жобалар жүзеге асырылуда.
Соның бірі - «Қылмыссыз өңір - кемел келешек кепілі» жобасы
Жобаның мақсаты - әрбір аудандардағы елді мекендерде қылмыстылықты азайтып, тұрғындардың жайлы өмір сүруіне жағдай жасау.
Жоба аясында Қармақшы ауданының прокуратурасы, аудандық полиция және жергілікті әкімдік қызметкерлерімен бірлесе отырып, салауатты өмір салтын қалыптастыру, алкоголь өнімдерінің заңсыз сатылымы, алкогольдің зияны мен зардаптары және т.б. түсіндірме, тұрақты рейд жұмыстары жүргізіліп келеді.
Нәтижесімен ауданға қарасты Иіркөл ауылының тұрғындары алкоголь өнімдерін сатудан, оны тұтынудан толықтай бас тартты.
Мұндай шешім – ауыл тұрғындарының денсаулығын қорғауға, жастарды зиянды әдеттерден сақтауға және қоғамдық қауіпсіздікті арттыруға бағытталған маңызды қадам.
