ТУРИСТЕР ҚАРМАҚШЫ АУДАНЫНДА
Ағымдағы жылдың 28 ақпан күні Қармақшы өңірінің бай тарихи-мәдени мұрасын таныстыру мақсатында арнайы туристік тур ұйымдастырылды.
Тур барысында қонақтар тарихи Қорқыт ата мемориалды кешенінде болып, ұлы бабамыздың рухани мұрасымен танысты. Сонымен қатар, «Руханият» орталығына, сан ғасырлық тарихы бар “Аэропорт” нысанына барып, Қармақшы ауылдық округінде орналасқан «Жел диірмен» нысанына экскурсия жасады. Танымдық сапар Марал Ишан кесенесінде қорытындыланды.
Алдағы уақытта туризмді дамыту арқылы ұлттық мәдениетімізді әлемге танытып, өңіріміздің қонақжайлығын насихаттау жұмыстары өз жалғасын таба береді.
