ИНТЕРНАТ ОҚУШЫЛАРЫ ҚОРҚЫТ АТА КЕШЕНІНДЕ БОЛДЫ
Қармақшы ауданы Т.Көмекбаев атындағы №250 мектеп-лицей интернатының тәрбиеленушілері Республика күні ұлттық мерекесіне орай тарихи мәдени кешені Түркі дүниесінің абызы Қорқыт Ата кешенінде болып, рухани танымдық саяхат сабағы өткізілді.
Интернат тәрбиешілері Э.Қойшыбаева мен Б.Қалмаханова және тәрбие ісі жөніндегі орынбасары С.Бертлеуовтың ұйымдастыруымен интернат тәрбиеленушілері Қорқыт Ата кешені және Ақсақ қыз тарихи орнында болды.
Мақсаты-оқушыларға өлке тарихы туралы мағлұматтар беру, ұлттық құндылықтар және туған өлке тарихын білуге тәрбиелеу болып табылады.
Экскурсия барысында балалар тарихи кешенде орналасқан музей көрмесімен танысып, музейде сурет салудан бейнелеу өнері бойынша жарысты.
Мұнан кейін тәрбие ісі жөніндегі орынбасары С.Бертлеуов тарихи кешен туралы қысқаша айтып, балаларға қызықты деректермен бөлісті.
Республика күні аясында өткізілген экскурсия бағытындағы танымдық сабақ балаларға ерекше әсер қалдырды.
