СУ ТАСҚЫНЫНЫҢ АЛДЫН АЛУ МАҚСАТЫНДА МОНИТОРИНГ ЖҰМЫСТАРЫ ЖҮРГІЗІЛДІ

«AMANAT» партиясы Қармақшы аудандық филиалы жанынан құрылған Сырдария өзеніндегі су тасқынының алдын-алу бойынша зерделеу жұмыстарын жүргізетін жұмысшы топ құрамы тиісті сала мамандарымен бірлесе отырып, Сырдария өзенінің Қармақшы ауданына қарасты жағалауындағы су деңгейінің жай күйімен танысты.

Зерделеу барысында көктемгі мұз жүру кезінде су тасқынының алдын алу бойынша атқарылатын жұмыстар талқыланып, тиісті сала мамандарына жағдайды жіті бақылау ұсынылды. Тұрғындар қауіпсіздігі алғашқы кезектегі мәселе болғандықтан, осы бағыттағы жұмыстардың басты назарда болу қажеттігі айтылды.