БАР ЖАҚСЫЛЫҚ БАЛАЛАРҒА
Бүгін кенттік клуб үйінде кент әкімінің ерекше туылған балалар мен аз қамтылған және көпбалалы отбасылардың балалары үшін арнайы жаңа жылдық мерекесі ұйымдастырылды.
Мерекелік шараға кент әкімі Н.Сайымов, аудандық жұмыспен қамту және әлеуметтік бағдарламалар бөлімінің Байқоңыр қаласы бойынша сектор меңгерушісі С.Төлепова, ардагерлер кеңесінің төрағасы, мүшелері кенттегі әйелдер кеңесінің төрайымы Ш.Махмутова қатысып, балаларды мерекемен құттықтап, игі тілектерін жеткізіп, ақ батасын берді.
Кеште театрландырылған қойылым ұсынылып, балалар Аяз Ата, Ақшақармен бірге ән айтып, би билеп, мерекелік көңіл күйге бөленді.
Іс-шара соңында кент әкімінің атынан 80ге жуық балаға жаңа жылдық сыйлықтар табысталды.
