ҚАРМАҚШЫ АУДАНЫ ӘКІМІНІҢ ЖАҢА ЖЫЛДЫҚ ШЫРШАСЫ ӨТТІ
Бүгін Жаңа жыл мерекесі қарсаңында дәстүрлі аудан әкімінің жаңажылдық шыршасы ұйымдастырылды. Мерекелік шараға ауданның 100-ге жуық көпбалалы отбасылардың үздік оқушылары қатысты.
Мереке барысында аудан әкімі Жандос Еркінбек оқушыларды келе жатқан Жаңа жылмен құттықтап, ізгі тілектерін жеткізді. Сондай-ақ, балалардың жарқын болашағына сенім білдіріп, олардың армандары мен мақсаттарына жетуде табыс тіледі.
Шара барысында балалар үшін ерекше көңіл-күй сыйлайтын қызықты ойындар, ертегі кейіпкерлерінің қойылымдары және музыкалық бағдарламалар ұсынылды. Сонымен қатар, әр балаға аудан әкімінің атынан жаңа жылдық сыйлықтар тарту етілді.
