qarmaqshy-tany.kz Ауылдық округі әкімінің бүлдіршіндерге арналған жаңа жылдық шыршасы өтті.

Мерекелік шараға мектеп жасына дейінгі және бастауыш сынып оқушылары қатысты.

Балалардың қуанышына ауылдық әкімі Ардақ Басқынбайұлы Аймырзаев ортақтасып, бүлдіршіндерді Жаңа жыл мерекесімен құттықтап, өзінің жүрекжарды тілегін жеткізді.

Салтанатты шарада Аяз ата мен Ақшақарды көтеріңкі көңіл күймен қарсы алған бүлдіршіндер ән-жырдан шашу шашып, би билеп, өнерлерін ортаға салды.

Мерекелік көңіл күйге толы шарада ауылдық округі әкімі атынан балаларға мерекелік сыйлықтар тарту етіліп, жасыл шырша жанына жиналған ертегі кейіпкерлері ғажайыпқа толы қойылымдар көрсетіп, балауса балғындарды шат-шадыман көңіл-күйге бөледі.