БІЛІМ САПАСЫН АРТТЫРУ ЖОЛЫНДА: МЕКТЕП ДИРЕКТОРЛАРЫ ТӘЖІРИБЕЛІК САБАҚТАР КӨРСЕТУДЕ
Білім беру сапасын арттыру және педагогикалық тәжірибені жетілдіру мақсатында Қармақшы ауданының білім бөліміне қарасты мектептер бойынша 2025 жылдың 17-19 желтоқсан күндері YouTube каналында тікелей эфир арқылы мектеп директорларының қатысуымен ашық сабақтар беру кезеңі бастау алуда.
Іс-шара барысында директорлар оқу үдерісін тиімді ұйымдастыру, заманауи оқыту әдістерін қолдану және оқушылардың танымдық белсенділігін арттыру бағытында өз тәжірибелерімен бөлісіп, сабақтар өткізуде.
Ашық сабақтар барысында оқытудың инновациялық тәсілдері, цифрлық білім беру ресурстары және оқушының жеке қабілетін дамытуға бағытталған әдістер кеңінен қолданылады. Сабақтарға қатысқан педагогтер тәжірибе алмасып, өзара кәсіби пікір білдіруге мүмкіндік алуда.
Аталған іс-шара мектептер арасындағы ынтымақтастықты нығайтып, басқарушы кадрлардың педагогикалық шеберлігін арттыруға және білім беру үдерісінің сапасын жаңа деңгейге көтеруге ықпал етеді.
