Облыстық семинар өтті
qarmaqshy-tany.kz Білім беруді дамытудың жаңа парадигма жағдайында педагогикалық қызметтің өзекті мәселелерін талқылау, заман талабына сай оқушының оқу-танымдық және шығармашылық ізденісін жетілдіру, мұғалімнің кәсіби шеберлігін арттыру, білім беру стандартына сәйкес дамытушы орта құруда, оқушылардың оқу әрекетін ұйымдастыру және басқару бағытында әдістемелік көмек көрсету, өзара тәжірибе алмасу мақсатында Қармақшы ауданы ІІІ Интернационал ауылдағы №108 орта мектебінде "Заманауи білім беру ресурстары мен әдіс тәсілдерінің тиімділігін оқушылардың қабілеттерін анықтау мен қалыптастыруға бағыттау" тақырыбында облыстық семинар болып өтті.
Аталмыш семинарға Қармақшы аудандық білім бөлімінің басшысы Гүлзира Әбдәзиева Мажитқызы, аудан және елді мекен мектептерінің білікті педагогтары қатысты.
Семинарға келген қонақтарды оқушылардың орындауымен, түрлі аспаптарда ойнаған әдемі оркестр қарсы алды (сүгірет, видео)
Бағдарламаға сәйкес мектебіміздің бірқатар педагогтары арнайы ашық сабақтар көрсетіп, семинар-тренингтер өткізді.
Сонымен қатар мұғалімдер өзара тәжірибе алмасып, тың ақпараттармен қоржындарын толықтырып, түрлі тақырыптарда пікір алмасты.
Сондай-ақ айта кету керек мектеп фойелерінде оқушылардың қолөнер туындыларынан, ұлт өкілдерінің ұлттық киімдерінен бастап, ұлттық тағамдары қойылған кең көлемде көрмелер ұйымдастырылды.
