АУДАН ӘКІМІ ЖАЯУ ЖҮРГІНШІЛЕР ЖОЛДАРЫ МЕН НЫСАНДАРДАҒЫ ЖӨНДЕУ ЖҰМЫСТАРЫН БАҚЫЛАДЫ
Қазіргі уақытта ауданымызда жаяу жүргіншілерге арналған инфрақұрылымды жақсарту бағытында бірқатар көшелерде жүйелі жұмыстар жүргізіліп отыр. Осыған орай бүгін аудан әкімі Y.Томанов, Х.Жомартов және Е.Қойшыбаев көшелеріндегі жаяу жүргіншілер жолының жұмыс барысын бақылады. Мердігер мекемелермен келісілген есепке сәйкес, үш көшедегі жаяу жүргіншілер жолдары желтоқсан айының соңында толық аяқталуы жоспарланып отыр. Жандос Еркінбек атқарылып жатқан жұмыстың сапасына назар аударып, тұрғындар үшін қолайлы орта қалыптастыру мақсатында жауапты басшыларға барлық талаптың сақталуын қатаң тапсырды.
Аудан әкімі жұмыс сапарын жалғастырып, Жосалы кентіндегі теміржол вокзалы ғимаратының күрделі жөндеу жұмыстарын тексерді. Құрылыс барысында ғимараттың сыртын қаптау жұмыстары, ішкі демонтаж жұмыстары, сондай-ақ, шатыр жабу жұмыстары аяқталуға жақын. Жауапты мердігер мекемемен атқарылған жұмысқа барлығы 46 адам тартылған. Аудан басшысы нысанның жөнделуі қоғам үшін маңызды екенін атап өтіп, барлық жұмыстардың сапалы әрі уақытылы аяқталуын қамтамасыз етуді тапсырды.
Жалпы аудан әкімі атқарылып жатқан барлық жұмыстарды тұрақты бақылап келеді және барлық нысандардың сапасы мен уақытын қатаң қадағалайтынын атап өтті.
Қармақшы ауданы әкімінің баспасөз қызметі
