qarmaqshy-tany.kz Аудан басшысы Жандос Еркінбекұлы Жосалы кентіндегі орталық көшелердің бірі - Амангелді көшесіне жүргізіліп жатқан орташа жөндеу жұмыстарының барысымен танысты.

Аудандық маңызы бар автомобиль жолын орташа жөндеу және жаяу жүргіншілер жолын салу жұмыстары 2022 жылы басталған. Қазіргі таңда жөндеу жұмыстарының басым бөлігі аяқталып, ендігі кезекте жаяу жүргіншілер жолына орындықтар (скамейка) мен қоқыс жәшіктерін (урна) орнату және жарықтандыру жұмыстары жүргізіледі. Аудан басшысы құрылыс жұмыстарын мерзімінде әрі сапалы жүргізу туралы жауапты тұлғаларға тиісті тапсырмалар берді.