КӘМЕЛЕТКЕ ТОЛМАҒАНДАРДЫҢ ІСТЕРІ ЖӘНЕ ОЛАРДЫҢ ҚҰҚЫҚТАРЫН ҚОРҒАУ ЖӨНІНДЕГІ ОБЛЫСТЫҚ КОМИССИЯНЫҢ ОТЫРЫСЫ ӨТТІ

Облыс әкімінің орынбасары Мейрамбек Шермағанбеттің төрағалығымен кәмелетке толмағандардың істері және олардың құқықтарын қорғау жөніндегі облыстық комиссияның отырысы өтті.

Отырысқа құқық қорғау, жергілікті атқарушы органдардың өкілдері, сондай-ақ қала мен аудандардың кәмелетке толмағандар істері және олардың құқықтарын қорғау жөніндегі комиссия төрағалары қатысты.

Отырыс барысында білім бөлімдері жанындағы қорғаншылық, қамқоршылық органдардың кәмелетке толмағандармен қараусыз, панасыз қалу және қоғамға қарсы әрекеттерінің алдын алу жұмыстары, бала құқықтарының бұзылуы, 2025 жылдың 9 айында кәмелетке толмағандар арасында орын алған суицид фактілері және “Адал адам” рухани-мәдени орталықтарындағы үйірме жұмыстарында патриоттық тәрбие беруді сапалы ұйымдастыру мәселелері талқыланды.

Комиссия отырысының қорытындысымен облыс әкімінің орынбасары М.Шермағанбет тиісті сала басшыларына нақты тапсырмаларды жүктеді.