Кәмелет жасқа толмағандар ісі қаралды
Аудан әкімінің орынбасары Жарқын Тұрмаханұлының төрағалығымен кәмелетке толмағандардың істері және олардың құқықтарын қорғау жөніндегі аудан әкімдігі жанындағы комиссияның кезекті отырысы өтті.
Комиссия отырысына құқық қорғау органдарының басшылары, комиссия мүшелері, аудандық білім бөлімінің басшысы және әдіскерлері, мектеп директорлары қатысты.
Жиында «Кәмелеттік жасқа толмағандар арасында өз-өзіне қол жұмсаудың және ерте жүктіліктің алдын алу туралы» білім бөлімінің әдіскері Айгерім Кенжебаева мен аудандық аурухана бас дәрігерінің «Ана мен баланы қорғау» жөніндегі орынбасары Парида Сарыбаева хабарлама жасаса, «2023 жылы кәмелетке толмағандар арасында құқық бұзушылық профилактикасы, кәмелетке толмағандарға қарсы жасалған қылмыстар туралы» аудандық полиция бөлімінің Жергілікті полиция қызметі бөлімшесінің инспекторы Жасұлан Аликуловтың баяндамасы тыңдалды.
Аудан басшысының орынбасары күн тәртібіндегі мәселелер бойынша тиісті сала басшыларына нақты тапсырмалар беріп, жиынды қорытындылады.
«Қт» ақпарат
