ЦИФРЛЫҚ ҚОЛДАУ – ОТБАСЫҒА ҚАМҚОРЛЫҚ
Қазіргі уақытта қоғамда әлеуметтік мәселелерді шешуде цифрлық құралдардың орны ерекше. Осындай заманауи тәсілдердің бірі – FSM Social мобильді қосымшасы. Бұл қосымша Қазақстандағы әлеуметтік аз қамтылған, көпбалалы, қиын өмірлік жағдайға тап болған отбасыларды қолдау мақсатында әзірленген.
FSM Social – қандай мүмкіндік береді? Қосымшаның басты артықшылығы – әр отбасының әлеуметтік жағдайын нақты бағалап, қолдаудың жеке траекториясын ұсынуында. Мамандар отбасының психологиялық, материалдық, құқықтық жағдайларын ескере отырып, қажетті көмек түрлерін анықтап, оларды жүйелі түрде бақылауға мүмкіндік алады.
Біздің орталық FSM Social қосымшасы арқылы жұмыс істей отырып, нақты отбасыларға бағытталған қолдау шараларын ұсынады. Психолог маман әр отбасының эмоционалдық күйін бақылап, қажет жағдайда кеңес беріп, әлеуметтік қызметкерлермен тығыз байланыста жұмыс атқарады. Бұл әдіс әсіресе дағдарыс жағдайындағы отбасылармен тиімді жұмыс жүргізуге жол ашады.
Нәтиже қандай?
FSM Social қосымшасының көмегімен біз әр отбасының мәселесін кешенді түрде зерттеп, тек жедел көмекпен шектелмей, ұзақ мерзімді оңалту жұмыстарына назар аударамыз. Бұл – әлеуметтік қызметтердің сапасын арттыруға және отбасылардың өмір сүру сапасын жақсартуға бағытталған нақты қадам.
Қорытындылай келе, FSM Social – цифрлық дәуірдің тиімді құралы. Отбасын қолдау орталығы мамандары осы қосымша арқылы қоғамдағы әлсіз топтарға нақты әрі уақытылы көмек көрсетуді жалғастыра береді.
Назгүл БАҒДАТҚЫЗЫ,
аудандық «Отбасын қолдау орталығы»
КММ психологі
