ҚАРМАҚШЫ СПОРТШЫЛАРЫ ЖОҒАРЫ НӘТИЖЕ КӨРСЕТУДЕ
Қызылорда қаласында басталған ауыл спортшылары арасындағы «Алтын күз – 2025» XXXVIII облыстық спартакиада аясындағы «Ақ бидай» республикалық VIII ауыл спорты ойындарына іріктеу жарысы бүгінде өз жалғасын табуда.
Бұл байрақты бәсекеде Қармақшы ауданының спортшылары белсенділік танытып, жарыстың екінші күнінде де бірқатар спорт түрінен жүлделі орындарға ие болды.
Атап айтқанда: Қол күрес бойынша спортшыларымыз І орынды иеленіп, аудан мерейін үстем етсе, Бес асық ұлттық ойыны бойынша команда ІІІ орынға ие болды.
Бұл – жүйелі дайындықтың, спортшылар мен бапкерлердің бірлескен еңбегінің нәтижесі.
Жеңімпаздарды шын жүректен құттықтай отырып, алдағы додаларда да толағай табыс тілейміз.
