ІЗГІЛІК ПЕН ІЛІМ
Абай өз шығармаларында қазақ халқының тұрмысын, мәдениетін, рухани әлемін сипаттап қана қоймай, сонымен қатар халықтың ой-санасын оятып, оларды жаңалыққа, білімге, әділдікке шақырды. Оның шығармаларында ұлттық рух, адамгершілік, достық, білімнің маңызы кеңінен көрініс тапты. Абай өлеңдері мен қара сөздері арқылы қазақ халқының әдеби дәстүрін байытып, өз ұлтының болашағына деген жауапкершілікті сезіндірді.
Абайдың шығармашылығында ақындық пен философияның терең байланысы байқалды. Ол өлеңдерінде тек адамзаттық мәселелерді ғана емес, сонымен қатар моральдық және этикалық мәселелерді де қозғады. Ақынның қара сөздері оның философиялық ойларын терең түсінуге мүмкіндік береді.
Ақын қоғамның жамандықтарына, теңсіздігіне, надандығына қарсы шықты, әрі бұл мәселелерді көтерген ең алғашқы қазақ ойшылдарының бірі болды. Абайдың шығармашылығында ұлылардың өмірі мен тағдыры туралы терең ойлар, ұлттың болашағы мен дамуы туралы пайымдаулар көрініс тапқан. Оның қара сөздері мен өлеңдері қазіргі уақытта да өзектілігін жоймаған. Ақынның «Толық адам» концепциясы, оның білім мен тәрбиеге деген көзқарастары қазақ қоғамы үшін өзекті болып отыр.
Ол қазақ поэзиясына жаңа бағыт әкелді, оның шығармаларының мазмұны мен мәні тек қазақ халқының мәдениеті мен дүниетанымына ғана емес, жалпы адамзатқа да ортақ. Абайдың өлеңдері мен қара сөздері бүгінгі таңда да жастардың тәрбиесіне, рухани жан дүниесінің дамуына үлкен әсер етеді. Абай шығармашылығының қазіргі қоғамда қандай маңызы бар екендігін түсіну үшін оның көркемдігіне, терең философиясына және ұлттық санаға қосқан үлесіне назар аудару қажет. Абайдың шығармалары жас ұрпаққа рухани байлық, ізгілік, білім мен тәрбие туралы құнды дүниелер ұсынады. Ол тек қазақтың ғана емес, бүкіл әлемнің рухани мұрасына қосқан асыл қазынасы.
Б.АЙЖАРЫҚҰЛЫ,
аудандық соттың бас маманы-аға сот приставы
