ҚҰРМЕТТІ БҰҚАРАЛЫҚ АҚПАРАТ ҚҰРАЛДАРЫНЫҢ ҚЫЗМЕТКЕРЛЕРІ!

Сіздерді кәсіби мерекелеріңізбен шын жүректен құттықтаймын!

Ақпараттық кеңістіктің қарқынды дамыған қазіргі кезеңінде қоғам мен билік арасындағы көпір саналатын бұл саланың маңызы артып келеді. Елдің шынайы тыныс-тіршілігін көрсету, халықты маңызды оқиғалардан дер кезінде хабардар ету – үлкен жауапкершілікті талап ететін еңбек. Осы жолда адал қызмет етіп, шындық пен әділдік принципін ұстанып келе жатқан сіздердің еңбектеріңізге зор ризашылығымды білдіремін.

Қармақшы ауданының бұқаралық ақпарат құралдары қашанда шынайы ақпараттың қайнар көзі болып келеді. Мемлекет мүддесі, ұлт мұраты мен ұрпақ болашағына бағытталған мақалалардың деңгейі артып, көкжиегі кеңеюде.

Сонымен қатар, ауданымыздың қоғамдық-саяси, әлеуметтік-экономикалық өмірін насихаттауда «Қармақшы таңы» және «Бәйтерек» газеттерінің орны ерекше. Сапалы жазылған мақалалар мен өзекті мәселелерді қозғайтын сараптамалық материалдары арқылы бұл басылымдар халықтың сеніміне ие бола білді.

Сіздерге мықты денсаулық, отбасыңызға амандық, сарқылмас шығармашылық шабыт және қызметтеріңізде жаңа белестер мен табыстар тілеймін. Бірлігіміздің, ақпараттық қауіпсіздігіміздің мықты болуы – сіздердің кәсіби шеберліктеріңіз бен адал еңбектеріңізге тікелей байланысты.

Баршаңызға толағай табыс, молшылық пен өмірлік қуат тілеймін!