«ТАЗА ҚАЗАҚСТАН»: АУДАНДЫҚ СЕНБІЛІК ӨТТІ
Қоршаған ортаны қорғау, көгалдандыру және санитарлық жағдайды жақсарту мақсатында елімізде жарияланған «Таза Қазақстан» республикалық экологиялық акциясы аясында Қармақшы ауданында жалпыаудандық сенбілік ұйымдастырылып, санитарлық-тазалық жұмыстары жүргізілді.
Шараға мекеме, кәсіпорын басшылары мен қызметкерлері, белсенді жастар мен еріктілер белсене атсалысты.
Сенбілік барысында көшелер мен аулалар тазартылып, қоғамдық орындар мен әлеуметтік нысандардың айналасы ретке келтірілді. Атап айтқанда, ғимараттар мен қоршаулар әктеліп, бей-берекет өскен арам шөптер жұлынып, жинақталған қоқыс арнайы техникалардың көмегімен белгіленген орындарға шығарылды.
